الشرعية ……شرعية الداو ليا

سلامك…. تخوينــي داري
وسلامي… نــتــكمش و نغـــطي عينيا

وندير لفمي كمامة ونسد وداني
ونسد ايلا لــقيت شي باب عــــليـــا

نقول لمخي تعـــطــل
ونديــــر الــــنــية ونعــاشــر الحــيـة

المعـــقول هــبل … والدراع تــشل… والعــز تكــبل…والجهل اكبر رزية

قــلبت فمخي على شي حاجة تــنفع قصيدة
لقيت لكلام ما بقـــاش كلام

لــقيت لفــكار ولات حصيدة
كلا تـــها لبرودة ورشاها الدوا م

كل حرف ونقطة ولات فيه مصيدة
ولات الكلمة شكال
* والمعــنى مركب ليه لجام

قلت…. الشمس تدخل وخا من عين ليبرة
والعيشة عيشة….وخا بين الصفيحة والمسمار

القضية قضية شرعية الداو ليا
وشكون يسكن وشكون يخويوه الدار

قالي واحد.. تخلط الشغـــل عليا
قلت لو ساهــلة…السمسار لقاوه شفار

جابوه يفكهوم قال انا قبال هدية
قالوا هــذا وا لــــي خصو يـــتــزار

تمتم وقال غير بيكـــوم ولا بيا
ما زال يوصلـــكوم مني لخبار

واحد خور قالي ا ش هذ المرضية
هذ الناس لا شك خرج فيهوم عتبار
مشات ايامهوم….نزل مقامهوم….تنكس علامهوم….بقات فيهوم غير السمية

ولا كل كلامهوم خص وخيار

* شي يقول علمانية….
شي يقول اصولية…..
شي يرد القضية لعديان السامية……
شي مع .شي ضد الديموقراطية…..
وشي مزال يحلم بالقومية

وشكون بقا مع الانسانية
والشرعية
وشي ….وشي….وشي
سماها ارهاب و لا شغــلـــو تجباد لوتار

وشي عمال يقول يا ناس يقدني لي فيـــا
لي يدو فــلما ماشي بحال لي يــدو فالـــنار