باباحجي: الرشوة

الرشوة=الجزء الاول

باسم الله بد يت  ونصلي على النبي المرسل

نحك لكم ما صار  فوطانا من  مرض العضال

لنخر عظامنا لطخ علامنا ونزل الهبال

فدشرتنا ترسخ  صبح موضة, صال وجال

حرفة ذميمة يمارسها  الاندال بالنهار الكهار

مارعو الجورة  ما خشو ربهم  مبد ل الاقدار

 خبارها شايع فكل  حومة و حتى عندالجار

واش عقتو واش فهمتو هذ الداء يا حضار

قبح الله الفقر والجهل والظلم و قلة العرض

ل فشى هذ الظاهرة عمم عدوى هد المرض

مرض الرشوى والتبزنيس  و تشراط الخدود

ل يرد الحر عبد  والعبد نمرود و فيدو  عود

يلوح فالفضا  يرهب يرعب  من ضعاف حالو

كل من قهرو الزمان  ما وجد مخرج قلال  مالو

تبلجت  فوجه جميع  البواب, سالو لجالو

يحكولكم  ما صار مع الرشوة , ماخبيت والو

موقف القانون

القانون يعاقب المرتشين  بالسجن او الغرامة

سمعو و عيقو  يا لفرقتو البهوت و الفهامة

غذ المرتشي للنار والراشي هاز لو لعمامة

فهمو يا ل احكمتو بالزور قبل ما تحضر الندامة

ما هي الرشوة

هاك ور تقض الغرض بالفن وبالزربة

ما شافنا حد  تكتم السر نجحت اللعبة

انت تفوز بالمراد, تهنا ما تضرب حسبة

وانا نفوز باللعاقة , هذ حقيقة ماشي كذبة.

موقف الاسلام

الإسلام حرم الرشوة, حلل المعروف الهدية,

فعهد النبي الرسول, سدي  ومولاي خير الانبيا

و اليوم كنتها شغل ملعوب,     يا قوم البلية.

النصيب غد تنالوه ,  بحكم خالق البرية,

يوم ما ينفع  المال غير الاعمال المرضية ,