نظم: نور الدين لعماري
لأجيال بريس
الحربة ياالوالي سيدي عزوز مول تازة و دراع اللوز
يا القطب الرباني هذي حلة ليك و تشريف
*****
كل تازي حر و معروف هذا نظم ليه مقدوف
تازة ليك تنــــــــــــادي أعرف تاريخك و عاد تشوف
بين أطلس و جبال الريف تازة تقول بلا تكليف
فخري بولادي قلبهم بحبي مشغوف
بين طريق فاس ووجدة من تازة لازم تبدا
يا الزاير وطاني زور عاصمة الكهوف
تبدا بحرف التا لبرانص و غياتة
التسول بيهم ثلاثة قائل عرباني
أكنول مثلث الموت تما اخسر مستعمر واثتب
السلام لكل اكزنايي بني وراين الشجعان
الداخل ليهم تيشكي و الخارج منها تيبكي
يحسب راسو براني فالخيرات يغرق و يبان
*****
المشور و لاحراش للا عذرا يا فياش
و زاوية الجيلالي و لفلوع مسيدو ميزان
جامع الكبير و الصابا تمنيت نشوفهم دابا
لعريصة في بالي بوشجرة شبابو ولهان
و الثريا سمع يا إنسان فجامع العباد الرحمان
بنورها تلالي أنا معجزة الزمان
قبة السوق و درب البهلا تماك فلاان و طراف ملا
صوات كران تراري سواقة جمعوا القوام
شوف مقصر داك الحجام يا سيادي قرب الحمام
كزارة بمواس تشالي قطانين سره بكلام
غياطة و سمن و عسل حرة بلدية الحاج ميمون زقاقو معروفة
فباب طيطي مزينو با أيام و جنان السبيل عمرو ريام
و زقاق الوالي الزاوية الكبشية فلسان
******
باب الشريعة و درب كناوة حمام باشا و الدرشة
سيدي مصبح الوالي بباب الريح راني بردان
الكوشة اسمها يا ولهان فالمصلى شحال من جثمان
يرحمهم الباري ربنا رحيم و غفار
صب الما و الجوطية الحدادين حتى هيا
رياض أزناك و دوالي مولاي عبد السلام دربو فرحان
صابون تازة يا لخوان ما يقدك مع الغشمان
طبايع و رغاوي ياك قالوها ناس زمان
فباب الجمعة تلعب الصبيان بدروجها كلشي عرقان
من بنات و دراري بوقلالا طريقو تزيان
بلدية و بن باجة ها و ريدة و الضو لينا جا
*******
السعادة و المسعودية حجرة كناوة فوقية
المعرض و فريواطو عين النسا ماؤهل زلال
ورطيكة و بنعطية بين الجرادي تعرف مابيا
الملعب البلدي الرياضة تعود و تزهار
البطوان وواد الهدار بكانكودبر قلبي ولهان
لماكوسة أنا غادي باب لقبور محراب عيدان
دوار الجديد و بيت غلام القدس و المسيرة جوج روام
و علي بن بري و الجيارين سيدي عيسى هو الختام
و الصلاة و السلام على النبي العدناني
القرشي المدني محمد(ص) شفيع الأنام
صلاح تازة سبوا الدهان أولياء بالدين و البيان
علمهم سيفو بتار صوفيين نصرو الإسلام
بتشيكة و السليماني الكواكب على كل لسان
و الناظم راه معروف بحب تازة قلبه مشغوف
قل قالوا عماري موتي بتازة يارحمان
