ثورة غضب

          لأجيال بريس                

بقلم : محمد حلمى مصطفى

الأسكندرية – جمهورية مصر العربية

 

"ثورة غضب"

=–=–=–=–=–=–=–=–=–=–=

ثورة غضب ..

كان ليها مليون سبب

قام بيها شعب ..

من كتر ما حقه إتغصب

إنتفض ..

صحصح نفسه ونهض ..

جاهد قاوم رفض ..

كل قسوة وكل ظلم

قلب الشر إنقبض ..

وإنقضى .. زوغ مضى ..

فساد الحكم

ودعوة أم ..

مجدت دم الشهيد ..

مجدت دمه البرىء ..

مهدت أوسع طريق ..

لشعب أراد الحياه

وإتحقق ما يريد ..

بفضل الله .. ومشيئته

لشعب بثباته وعزيمته ..

خلى قيمته ..

زي الدهب

ليه العجب ؟!

من إنه هد المستحيل

دا شعب متغذى الكرامة ..

والأصالة والشهامة ..

والبطولة والرجولة ..

فـ طبعه ليوم القيامة

وشارب من أحلى نيل ..

مية طاهرة وسلسبيل

والدليل ..

أهراماته

سده عالى ..

طول حياته

والدليل ..

مينا .. أحمس .. إخناتون ..

ويا توت .. عنخ امون ..

ويا عظماء الفراعنة

والدليل ..

أبو الهول ..

عين جالوت

شعب قاهر للمغول ..

شعب قاهر للصهاينة

شعب نادى بأعلى صوت ..

لما سطر فـ التاريخ ..

ثورة يناير ..

السلمية

ثورة نادت بالحرية

والبشاير ..

عهد جديد

نلقى فيه الخير يزيد

يبقى فيه ..

ديمقراطية

نقضى فيه ..

عـ البلطجية ..

والرشاوى ..

والمحسوبية

نقضى فيه ..

عـ السلبيات ..

مـ اللى فات ..

من ماضينا

نبنى من تانى بإيدينا ..

بعد إذن المولى لينا ..

مصر الحديثة

مصر الحضارة ..

والمنارة ..

والشطارة ..

وبجدارة ..

هي الرئيسة

مصر العمار ..

أرض الثوار ..

بلد الأحرار

مش ملاوعة ..

مش خسيسة

ولا فوضى وقلة أدب !

ثورة غضب

=–=–=–=–=

 

بمناسبة ذكرى مرور عامين على ثورة يناير المجيدة ..

إهداء //

لشعب النصر .. شعب مصر

عسى أن تنال القبول والإستحسان بإذن الرحمن ..

مع وعد بدوام التواصل إن شاء الله ..

ولحضراتكم وافر التقدير والإمتنان .